Aavadati Bhari Mala Majhe / आवडती भारी मला माझे
आवडती भारी मला माझे आजोबा !
पाय त्यांचे थकलेले
गुडघ्यांत वाकलेले
केस सारे पिकलेले
ओटीवर गीता गाती, माझे आजोबा !
नातवंडा बोलावून
घोगऱ्याशा आवाजानं
सांगती ग रामायण
मोबदला पापा घेती, माझे आजोबा !
रागेजता बाबा-आई
आजोबांना माया येई
जवळी ते घेती बाई
कुटलेला विडा देती माझे, आजोबा !
खोडी करी खोडकर
आजोबांची शिक्षा थोर
उन्हामध्ये त्यांचे घर
पोरांसंगे पोर होती, माझे आजोबा !
गीत: ग. दि. माडगूळकर
संगीत: सुधीर फडके
स्वर: आशा भोसले
चित्रपट: ऊन पाऊस
गीत प्रकार: बालगीत, चित्रगीत
