Vegalya Jagat Ya / वेगळ्या जगात या
वेगळ्या जगात या अशी कशी दंगले
धुंद या स्वरांत मी आज रंगरंगले
वेगळ्या जगात या सूर आज रंगले
धुंद या स्वरांत मन आज दंगदंगले
भरारून झेप घेई पाखरू मनाचे
दाही दिशा मोकळ्या, या बंध ना कुणाचे
स्वप्न आज प्रीतीचे लोचनांत जागले
धुंद या स्वरांत मी आज रंगरंगले
झाड-वेल-फूल-पाने कुजबुजू बोलती
तुझे-माझे गुपित हे कानामधी खोलती
एकान्ती संगतीचे वेड जणू लागले
धुंद या स्वरात मन आज दंग-दंगले
झोका घेई फांदीवर प्रीत माझी साजणा
मिठीमधे रेशमाच्या येशील का सांग ना?
स्पर्श हा नवा नवा, रोम रोम झिंगले
धुंद या स्वरांत मी आज रंगरंगले
धुंद या स्वरांत मन आज दंगदंगले
गीत: जगदीश खेबूडकर
संगीत: विश्वनाथ मोरे
स्वर: आशा भोसले, सुरेश वाडकर
चित्रपट: बंदिवान मी या संसारी
गीत प्रकार: युगुलगीत, चित्रगीत