Aata Jagayache Ase Majhe/ आता जगायाचे असे माझे
आता जगायाचे असे माझे किती क्षण राहिले ?
माझ्या धुळीचे शेवटी येथे किती कण राहिले ?
हृदयात विझला चंद्रमा… नयनी न उरल्या तारका…
नाही म्हणायाला तुझे हे आपुलेपण राहिले !
होता न साधा एवढा जो शब्द मी तुजला दिला,
एकाच शब्दाला उभे आयुष्य तारण राहिले !
ते लोक होते वेगळे घाईत जे गेले पुढे….
मी मात्र थांबून पाहतो – मागे कितीजण राहिले ?
गीत: सुरेश भट
संगीत: रवि दाते
स्वर: सुरेश वाडकर
गीत प्रकार: भावगीत
