Bai Mi Patang Udavit Hote / बाई मी पतंग उडवीत होते
चढाओढीने चढवीत होते
ग बाई मी पतंग उडवित होते
होता झकास सुटला वारा
वर पतंग अकरा-बारा
एकमेकांना अडवित होते
बाई मी पतंग उडवित होते
काटाकाटीस आला ग रंग
हसू फेसाळ घुसळीत अंग
दैव हारजीत घडवीत होते
बाई मी पतंग उडवित होते
माझ्या दोर्‍यानं तुटला दोरा
एक पतंग येई माघारा
गेला गुंतत गिरवीत गोते
बाई मी पतंग उडवित होते
गीत: ग. दि. माडगूळकर
संगीत: सुधीर फडके
स्वर: आशा भोसले
चित्रपट: लाखात अशी देखणी
गीत प्रकार: लावणी, चित्रगीत
