Bhavuk Don Dole / भावूक दोन डोळे
भावूक दोन डोळे, ना वीट गारगोटी
प्रीतीस पारखे ते रडणार प्रीतिसाठी !
ती एक वेल होती चैत्रात मोडलेली
ती एक गोष्ट होती अर्ध्यात सोडलेली
कंठात दाटलेले आले अखेर ओठी !
जी वाट चालले मी ती जाय वाळवंटी
वेड्यापरी उन्हात मी राहिले करंटी
मी एकटीच आता कोणी पुढे न पाठी !
गीत: ग. दि. माडगूळकर
संगीत: राम कदम
स्वर: आशा भोसले
चित्रपट: सख्या सावरा मला
गीत प्रकार:चित्रगीत
