Chandra Aahe Sakshila / चंद्र आहे साक्षीला
पान जागे फूल जागे भाव नयनी जागला
चंद्र आहे साक्षिला, चंद्र आहे साक्षिला !
चांदण्यांचा गंध आला पौर्णिमेच्या रात्रिला
चंद्र आहे साक्षिला, चंद्र आहे साक्षिला !
स्पर्श हा रेशमी हा शहारा बोलतो
सूर हा ताल हा जीव वेडा डोलतो
रातराणीच्या फुलांनी देह माझा चुंबिला !
लाजरा बावरा हा मुखाचा चंद्रमा
अंग का चोरिसी दो जिवांच्या संगमा
आज प्रीतीने सुखाचा मार्ग माझा शिंपिला !
गीत: जगदीश खेबूडकर
संगीत: सुधीर फडके
स्वर: सुधीर फडके, आशा भोसले
चित्रपट: चंद्र होता साक्षीला
गीत प्रकार: युगुलगीत, चित्रगीत
