Dolyat Vach Majhya / डोळ्यांत वाच माझ्या
डोळ्यांत वाच माझ्या तू गीत भावनांचे
सादाविना कळावे संगीत लोचनांचे
मी वाचले मनी ते फुलली मनात आशा
सांगावया तुला ते नाही जगात भाषा
हितगूज प्रेमिकांचे हे बोल त्या मुक्यांचे
हास्याविना फुटेना ओठांत शब्द काही
कळले सखे तुला ते, कळले तसे मलाही
दोघांस गुंतविती म‍उ बंध रेशमाचे
पद्मासमान जन्मे हे काव्य जीवनी या
या जीवनात काव्ये, काव्यात जीवने या
गंधात धुंद वारा वार्‍यांत गंध नाचे
गीत: ग. दि. माडगूळकर
संगीत: सुधीर फडके
स्वर: सुधीर फडके, आशा भोसले
चित्रपट: लाखाची गोष्ट
गीत प्रकार: युगुलगीत, चित्रगीत
