Drusht Laganya Joge Sare / दृष्ट लागण्याजोगे सारे
दृष्ट लागण्याजोगे सारे, गालबोटही कुठे नसेल
जग दोघांचे असे रचू की स्वर्ग त्यापुढे फिका पडेल !
स्वप्‍नाहून सुंदर घरटे, मनाहून असेल मोठे
दोघांनाही जे जे हवे ते होईल साकार येथे
आनंदाची अन्‌ तृप्तीची शांत सावली इथे मिळेल
जग दोघांचे असे रचू की स्वर्ग त्यापुढे फिका पडेल !
जुळलेले नाते अतुट, घडे जन्मजन्मांची भेट
घेऊनिया प्रीतीची आण, एकरूप होतील प्राण
सहवासाचा सुगंध येथे आणि सुगंधा रूप मिळेल
जग दोघांचे असे रचू की स्वर्ग त्यापुढे फिका पडेल !
गीत: सुधीर मोघे
संगीत: अरुण पौडवाल
स्वर: अनुराधा पौडवाल, सुरेश वाडकर
चित्रपट: माझं घर माझा संसार
गीत प्रकार: युगुलगीत, चित्रगीत
