Ekati Shivari Gade / एकटी शिवारी गडे
एकटी शिवारी गडे चालविते मी विळा !
का उगाच येते बाई गाणे माझ्या गळा?
दाटली ग सांज बाई, दिवस बुडाया आला
अंतरी कशाचा उजेड माझ्या झाला
का असा अचानक हा डोले ग जोंधळा?
तुज रात्रंदिवस ओढ ज्याची भारी
धुंडीत तुला ती मळ्यात फिरे स्वारी
तो वसंत वेडा ग त्याची तू कोकिळा !
लपंडाव का असा? तोंड तरी पाहू दे
ना, अशीच मनीची प्रीत तुझ्या गाऊ दे
होऊ दे गळ्यातील हा साद पुरा मोकळा !
गीत: ग. दि. माडगूळकर
संगीत: वसंत पवार
स्वर: बालकराम, आशा भोसले
चित्रपट: तू सुखी रहा
गीत प्रकार: युगुलगीत, चित्रगीत
