Gheun Maiphalicha Ratritala / घेऊन मैफलीचा रात्रीतला
घेऊन मैफलीचा रात्रीतला निवारा
इष्कात धुंद सारे, हा रंग आज न्यारा
डोळ्यांतले शराब, ओठांतला गुलाब
कैफात डोलतो हा वेडा कुणी नबाब
सुरईतल्या सुधेची पेल्यात ओत धारा
पायातुनी उठावा झंकार पैंजणांचा
गाण्यात सूर नाचे बेफाम भावनांचा
दाही दिशादिशांत खेळे गुलाबवारा
ही बाग यौवनाची आली जणू भराला
ही रात्र पौर्णिमेची भरतीच सागराला
वेड्या मुशाफिरा तू शोधू नको किनारा
गीत: जगदीश खेबूडकर
संगीत: वसंत देसाई
स्वर: आशा भोसले
चित्रपट: धन्य ते संताजी धनाजी
गीत प्रकार: लावणी, चित्रगीत
