Kadhitari Tumhi Yave Ithe / कधीतरी तुम्ही यावे इथे
कधीतरी तुम्ही यावे
इथे या घरात
कैक दिवस होता हेतू असा अंतरात
शपथ तुमची !
आज भाग्य आले हाती
तरी उरी वाटे भीती
मनातले हितगूज सारे राहिले मनात
शपथ तुमची !
जीव बावरे हा भोळा
नीर दाटू पाहे डोळा
बोल बोल ओठावरचा विरघळे मुखात
शपथ तुमची !
मनी गुंफिलेल्या ओळी
ओघळल्या ऐत्यावेळी
सूर मात्र केवळ उरले गीत गायनात
शपथ तुमची !
शपथ तुम्हा तुमची देवा
मूक भाव जाणून घ्यावा
पुन्हा नका लोटू मजसी स्वप्‍न चिंतनात
शपथ तुमची !
गीत: ग. दि. माडगूळकर
संगीत: सुधीर फडके
स्वर: आशा भोसले
चित्रपट: गरिबाघरची लेक
गीत प्रकार: चित्रगीत
