Kali Umalate Mana Ekada / कळी उमलते मना एकदा
कळी उमलते मना एकदा
पुन्हा न सुख ते मिळे दहादा
लहर वायुची शीत चंद्रकोर
ती लज्जांकित अबोल थरथर
दळदळ उधळी मुक्त सुगंधा
एक रात ती सौभाग्याची
आस पुरविते शतजन्मांची
मौन साधिते सुखसंवादा
असले जीवन अशी पर्वणी
निर्माल्याच्या कुठून जीवनी
जीवन अवघे हीच आपदा
गीत: ग. दि. माडगूळकर
संगीत: दत्ता डावजेकर
स्वर: आशा भोसले
चित्रपट: पाहूं रे किती वाट
गीत प्रकार: चित्रगीत
