Majha Hoshil Ka / माझा होशिल का
सांग तू, माझा होशिल का ?
वसंतकाली, वनीं दिनांन्ती
एकच पुशिते तुज एकांती
एकांती कर कोमल माझा, हाती घेशील का ?
नसेल माहित तुला कधी ते
रोज तुझ्या मी स्वप्नी येते
त्या स्वप्नांच्या आठवणी या ओठां देशिल का ?
दूर तू तरी जवळ तुझ्या मी
नांव गुंतवित तुझिया नामीं
मी येता पण सलज्ज जवळी, जवळी घेशिल का ?
गीत: ग. दि. माडगूळकर
संगीत: सुधीर फडके
स्वर: आशा भोसले
चित्रपट: लाखाची गोष्ट
गीत प्रकार: चित्रगीत
