Majhya Re Preeti Phula / माझ्या रे प्रीतीफुला
माझ्या रे प्रीती फुला, ठेवू मी कोठे तुला
मिरवू माथी का तुला मी दगिना तू लाडका
दावू का ऐश्वर्य माझे उघड सार्‍या निंदका
काळजाचा कंद तू रे रंग डोळ्यांतला
अधीर हळवे दोन डोळे, पुष्पपात्रे ही निळी
ठेविसी तेथे फुला तू, फुलत जाते पाकळी
भोवताली गंध दाटे धुंद चैत्रातला
तूच नयनी तूच हृदयी तूच वसशी जीवनी
काळ जाई कळत नाही दिवस किंवा यामिनी
आणला गे काय संगे गंध स्वर्गातला
गीत: ग. दि. माडगूळकर
संगीत: सुधीर फडके
स्वर: सुधीर फडके, आशा भोसले
चित्रपट: आधार
गीत प्रकार: युगुलगीत, चित्रगीत
