Mi Lata Tu Kalpataru / मी लता तू कल्पतरू
मी लता तू कल्पतरू
संसार अपुला सुखी करू
सोन्याचा हा असे उंबरा
भाग्यवती मी तुझी इंदिरा
आले नाथा तुझ्या मंदिरा
अमृतघट ते इथे भरू
सुवासिनीचे कुंकू ल्याले
भाग्यवती मी आज जाहले
शतजन्मांचे सार्थक झाले
वेल प्रीतिची ती बहरू
चरण पूजिते पतिदेवाचे
मरणहि येवो सौभाग्याचे
हेच मागणे भाग्यवतीचे
कधी न आपण जगी अंतरू
गीत: मधुकर जोशी
संगीत: राम कदम
स्वर: आशा भोसले
चित्रपट: एक धागा सुखाचा
गीत प्रकार: चित्रगीत
