Nahi Yethe Kuni Kunacha / नाही येथे कुणी कुणाचा
नाही येथे कुणी कुणाचा
स्वार्थ हा एकच न्याय जगाचा !
कुणी न इथला नित्‌ रहिवासी
जो जो आला जाणे त्यासी
स्वार्थ सुटेना परि तयासी
स्वार्थास्तव कुणि इमान विकती
कोणी विकती वाचा !
बळी कुणी स्वार्थाचे होती
जिवंत तेही मरण भोगती
भुतासारखे जगी वागती
शाप बाधतो परि तयांना
तळमळत्या आत्म्यांचा !
सावध, सावध सोडव विळखा
दूर सारुनी फसवा बुरखा
पारखून घे अपुला परका
मायावी मयसभा असे ही
रंगमंच कपटाचा !
गीत: शान्‍ता शेळके
संगीत: एन्‌. दत्ता
स्वर: आशा भोसले
चित्रपट: एक दोन तीन
गीत प्रकार: चित्रगीत
