Pakhara Geet Nako Gau / पांखरा गीत नको गाऊ
पाखरा, गीत नको गाऊ !
कातरवेळी आतुर जीवा, वेध नको लावू;
पाखरा, गीत नको गाऊ !
शब्दांहुन तव सूर बोलके
कानी येता काळिज चरके
विरहाचे हे मुके हुंदके
सांग कशी साहू ?
पाखरा, गीत नको गाऊ !
रात्रंदिन जो जवळ असावा
आज कुठे तो प्राणविसावा ?
त्या प्रीतीच्या फसव्या गावा
नको पुन्हा नेऊ
पाखरा, गीत नको गाऊ !
गीत: शान्ता शेळके
संगीत: एन्. दत्ता
स्वर: आशा भोसले
चित्रपट: एक दोन तीन
गीत प्रकार: चित्रगीत
