Rani Limbas Aala Bahar / रानी लिंबास आला बहार
हिरव्या साडीस पिवळी किनार ग
रानी लिंबास आला बहार ग
बाळवयांतल्या गौळणी
यमुनेच्या जणू अंगणी
बाळकृष्णाशी करिती विहार ग
वाळवंटी घुमे पावरी
रानवारा तसा सूर धरी
डुलल्या गौळणी, हलले शिवार ग
नाच झाला ग झाला सुरू
किती आनंद डोळा भरू
बळीराजाचं देणं उदार ग
गीत: ग. दि. माडगूळकर
संगीत: सुधीर फडके
स्वर: आशा भोसले
चित्रपट: जशास तसें
गीत प्रकार: चित्रगीत
