Sakhya Ho Aaj Mala Savara / सख्या हो आज मला सावरा
मर्जी तुमची मी सांभाळीन, हृदयी द्या आसरा
सख्या हो, आज मला सावरा !
स्वप्नांचा हा मंचक सजला
धुंद सुगंधी होऊन भिजला
राहू कशी मी दूर साजणा
जवळी घ्या ना जरा
सख्या हो, आज मला सावरा !
हळू जरासा घाला विळखा
जीव होऊ दे हलका हलका
गोड गुलाबी उठता काटा
मोहरले दिलवरा
सख्या हो, आज मला सावरा !
चालू कशी मी बोलू कशी मी
मनातले मन खोलू कशी मी
मुकी असूनही गाते गाणे
माझ्या गुलमोहरा
सख्या हो, आज मला सावरा !
गीत: जगदीश खेबूडकर
संगीत: रामलक्ष्मण
स्वर: उषा मंगेशकर
चित्रपट: पांडू हवालदार
गीत प्रकार: चित्रगीत, लावणी
