Sansar Mandate Mi / संसार मांडते मी
माझ्या मनी प्रियाची मी तार छेडिते
संसार मांडते मी संसार मांडते !
दारी-घरी सुखाची रूपे उभी नटून
मी पाहते तयांना ही लोचने मिटून
माझ्याच सावलीला मी जवळ ओढते !
नाथा तुझी करावी सेवा अनन्यभावे
हळुवार स्पर्श होता वेलीस फूल यावे
लडिवाळ राजसाची मी दृष्ट काढते !
हातांत आज माझ्या सौभाग्यदान आले
ठेवू कशी कुठे ग मी बावरून गेले
माझ्या खुळ्या सुखाला मी आज भेटते !
गीत: जगदीश खेबूडकर
संगीत: एन्‌. दत्ता
स्वर: आशा भोसले
चित्रपट: बाळा गाऊ कशी अंगाई
गीत प्रकार: चित्रगीत
