Shapath Tula Prema / शपथ तुला प्रेमा
शपथ तुला प्रेमा, नको त्या मंदिरात जाऊ
यौवनमंदिर नाम तयाचे
मायावी हे कसब मयाचे
लोभस कपटी शोभा इथली चुकुन नको पाहू
दिसते तैसे येथे नाही
आसन दिसते तेथे खाई
अपघाती या सोपानावर पाय नको ठेवू
या, या म्हणती जरि युवराजे
हसूच करतिल तुझे न् माझे
बाळपणाच्या झोपडीत ये जन्मभरी राहू
गीत: ग. दि. माडगूळकर
संगीत: सुधीर फडके
स्वर: आशा भोसले
चित्रपट: पोस्टातली मुलगी
गीत प्रकार: चित्रगीत
