Swar Umatave / स्वर उमटावे शुभंकरोति
माझ्या हाते मी उजळाव्या घरात माझ्या मंगलज्योती
सुखद असावी अशीच संध्या, स्वर उमटावे शुभंकरोति
रात्री थकुनी निजण्यापूर्वी, ओठी याव्या अभंग-ओवी
भूपाळीते आळवीत मी जागे व्हावे पुन्हा प्रभाती
दिवस सरावा करिता सेवा, कंटाळा मज मुळी न यावा
नव्या घरी मी उजळ करावी मराठमोळी जुनी संस्कृती
मी रांधावे मी वाढावे, तुटू न देता हळू जोडावे
कुणावरून तरी ओवाळावे, जीवन व्हावे एक आरती
गीत: ग. दि. माडगूळकर
संगीत: दत्ता डावजेकर
स्वर: आशा भोसले
चित्रपट: प्रीत शिकवा मला
गीत प्रकार: चित्रगीत
