Tu Udas Ka / तू उदास का
लहर धुंद सागरी, नजर धुंद लाजरी
नाचतो निसर्ग हा, तू उदास का असा तू उदास का
हवेत मंद गारवा, दिशादिशांत गोडवा
स्वप्नरम्य या क्षणी तुझाच ध्यास का
नभांत रंग खेळती हळूच रंग बोलती
आज या चराचरी तुझाच भास का
फुलून प्रीत राहिली, प्रिया तुलाच वाहिली
या प्रसन्न एकांती, तू निराश का
गीत: जगदीश खेबूडकर
संगीत: दत्ता डावजेकर
स्वर: आशा भोसले
चित्रपट: पाच नाजूक बोटे
गीत प्रकार: चित्रगीत
