Ye Aboli Laj Gali / ये अबोली लाज गाली
ये अबोली लाज गाली, रंग माझा वेगळा
ऐक राणी गूज कानी हा सुखाचा सोहळा
मी दिले काही तुला ग
मीही राजा घेतले
ये कळी पहिली सुखाला
गुपित सांगे आतले
स्वप्न अधरी, स्वप्न पदरी, भाव रूजला कोवळा
पाकळीच्या पावलांच्या
गंधगहिऱ्या चाहुली
स्वप्न ये हातात माझ्या
होऊनिया बाहुली
बाहुलीला जोजवीता गीत येते या गळा
जे हवे ते सर्व लाभे
काय मागू मी दुजे?
चित्र भावी जीवनाचे
बिंब हे माझेतुझे
लागला साऱ्या घराला हा असा याचा लळा
गीत:शान्‍ता शेळके
संगीत: अशोक पत्की
स्वर: अनुराधा पौडवाल, सुरेश वाडकर
चित्रपट: हेच माझे माहेर
गीत प्रकार: चित्रगीत, युगुलगीत
