Aaj Chandane Unhat / आज चांदणे उन्हात
आज चांदणे उन्हात हसले तुझ्यामुळे
स्वप्नाहुन जग सुंदर दिसले तुझ्यामुळे !
भाव अंतरी उमलत होते
परि मनोगत मुकेच होते
शब्दांतुन साकार जाहले तुझ्यामुळे, तुझ्यामुळे !
परोपरीचे रंग जमविले
स्तब्धच होते करी कुंचले
रंगांतुन त्या चित्र रंगले तुझ्यामुळे, तुझ्यामुळे !
करात माझ्या होती वीणा
आली नव्हती जाग सुरांना
तारांतुन झंकार उमटले तुझ्यामुळे, तुझ्यामुळे !
हृदयमंदिरी होती मूर्ती
तिमिर परंतू होता भवती
आज मंदिरी दीप तेवले तुझ्यामुळे, तुझ्यामुळे !
गीत: शान्‍ता शेळके
संगीत: सुधीर फडके
स्वर: सुधीर फडके, आशा भोसले
चित्रपट: कलंक शोभा
गीत प्रकार: युगुलगीत, चित्रगीत
