Chandratuni Tujhya Ya / चंद्रातुनी तुझ्या या
चंद्रातुनी तुझ्या या बरसात चांदण्याची
लाजू नकोस राणी दे साथ जीवनाची
दे साथ जीवनाची !
बिलगून आज बोले ही प्रीत साजणाची
आले नवी वधू मी ही रात मीलनाची
ही रात मीलनाची !
हा कुंभ चंद्रिकेचा ओतीत शुभ्र धारा
उबदार गारव्याचा अंगावरी शहारा
आली जणु कळी ही उमलून यौवनाची
दे साथ जीवनाची!
माझ्या पुढे उभी तू लेऊन रूप साज
का हासते कळेना डोळ्यांमधील लाज
समजूत काढवेना या बावऱ्या मनाची
ही रात मीलनाची !
हाती तुझ्याच हात, हा स्पर्श अमृताचा
घुमतो मनात सूर संसार संगीताचा
गाऊ मिळून नांदी भावी सुखी क्षणांची
दे साथ जीवनाची !
गीत: जगदीश खेबूडकर
संगीत: बाळ पळसुले
स्वर: सुधीर फडके, आशा भोसले
चित्रपट: सुधारलेल्या बायका
गीत प्रकार: युगुलगीत, चित्रगीत
