Halake Halake Jojava / हलके हलके जोजवा
हलके हलके जोजवा बाळाचा पाळणा
पाळण्याच्या मधोमध फिरतो खेळणा
सजली ग मऊ मऊ मखमालीची शैय्या
निजली ग बाळाची गोरीगोरी काया
बाळ रूपडे देवाचे भुलविते लोचना
खेळवा लाडानं गोपा बायांनो
गोविंद घ्या गोपाळ घ्या म्हणा सयांनो
नाव ठेवा नवसाचं हा राजा देखणा
कुर्रर्र करा कानात, हळूच भेटा ग
बारशाचा सोहळा घुगऱ्या वाटा ग
आज बाई इंद्राचा दरबार ठेंगणा
गीत: जगदीश खेबूडकर
संगीत: एन्‌. दत्ता
स्वर: उषा मंगेशकर
चित्रपट: बाळा गाऊ कशी अंगाई
गीत प्रकार: चित्रगीत
