Majhya Bhavala Majhi Maya / माझ्या भावाला माझी माया
जीव भोळा खुळा, कसा लावू लळा
देवा उदंड त्याला औक्ष मिळू दे
माझ्या भावाला माझी माया कळू दे
आई बाबांची सावली सरं
छाया भावाची डोईवर उरं
आई अंबाबाई तुला मागू काही
बंधुरायाची इडापिडा दूर टळू दे
भाऊ होईल गुणानं मोठ्ठा
तिथं सुखाला कसला तोटा
त्याची किरत अशी जाता दाही दिशी
माय लक्षुमी त्याच्या मागं पळू दे
बायको मिळंल भावाला देखणी
चपट्या नाकाची, डोळ्यानं चकणी
वैनीबाई जरा, त्याला शानं करा
वरसा-वरसाला त्याचा पाळणा हलू दे
गीत: जगदीश खेबूडकर
संगीत: प्रभाकर जोग
स्वर: आशा भोसले
चित्रपट: आंधळा मारतो डोळा
गीत प्रकार: चित्रगीत
