Manasarakhe Zale Majhya / मनासारखे झाले माझ्या
जादुगिरी ही कोणी केली, कळुनी नाही आले
मनासारखे झाले माझ्या मनासारखे झाले !
मज कळले नाही काही मी कधी पाहिले त्यांना
मज कळले नाही बाई मी काय बोलले त्यांना
हसले माझे ओठ म्हणू की हसले माझे डोळे ?
मनासारखे झाले माझ्या मनासारखे झाले !
ते सद्गूण की ते रूप मज काय नेमके रुचले
ते निसर्गजीवन दिसता मज काय नेमके सुचले
माया-ममता माझ्याभवतीं विणती कैसे जाळे ?
मनासारखे झाले माझ्या मनासारखे झाले !
हे वेड अनामिक आहे की अधीरता ही मनची
उघड्याच लोचनी दिसती स्वप्‍ने ही जागेपणची
मला न कळता माझ्या हाती साज असा हा ल्याले !
मनासारखे झाले माझ्या मनासारखे झाले !
गीत: जगदीश खेबूडकर
संगीत: दत्ता डावजेकर
स्वर: लता मंगेशकर
चित्रपट: घरची राणी
गीत प्रकार: चित्रगीत
