Udyacha Kon Dhari / उद्याचा कोण धरी
घोटापाठी घोट सुखाचा पिऊन घे राजसा
उद्याचा कोण धरी भरवसा !
एकच हसणे हसून चुकते वेलीवरची कळी
एकच उसळी घेऊन फुटती डोंगरलाटा जळी
एक रात्र ही त्या उंचीची, जवळ नशेचा शिसा
उद्याचा कोण धरी भरवसा !
फूलशेजेवर सुगंध रचतो मऊपणाचे थर
खिडकीमधुनी झुळूक उडवी चैत्राचे अत्तर
नको विजेचा दिवा सजणा, पडु दे चांदाचा कवडसा
उद्याचा कोण धरी भरवसा !
गीत: जगदीश खेबूडकर
संगीत: दत्ता डावजेकर
स्वर: आशा भोसले
चित्रपट: करावं तसं भरावं
गीत प्रकार: चित्रगीत
